Қостанай облысының әкімі Архимед Мұхамбетов Әулиекөл ауданы Аманқарағай ауылында өрттен зардап шеккендермен кездесті, деп хабарлайды El.kz.
Қазіргі уақытта Озерное ауылынан 250 адам және солтүстік жағынан 1841 адам эвакуацияланды. Аманқарағайдан 1000 адам, Калининодан 228 адам, Лесноедан 363 адам эвакуацияланған.
Жергілікті атқарушы органдар эвакуацияланғандарды Әулиекөл орта мектебі мен Әулиекөл мектеп-интернатына орналастыруды, азық-түлікпен қамтамасыз етуді ұйымдастырды.
Жедел желі іске қосылып, Төтенше жағдайлар департаменті психологтардың жұмысы ұйымдастырыды.
Сондай-ақ арнайы комиссия да құрылып, зардап шеккендерге барлық қажетті көмек көрсетілетін болады.