Аралас жекпе-жек шебері Қайрат Ахметов One Fighting Championship промоушенінде жеңіске жетті

Аралас жекпе-жек шебері Қайрат Ахметов One Fighting Championship промоушені бойынша Брумфилде (АҚШ, Коловадо штаты) өткен турнирде жеңіске жетті, деп хабарлайды El.kz ақпараттық агенттігі. 

Sports.kz сайтының жазуынша, Қ.Ахметов "Найза" лақап аты бар австралиялық файтер Рис Макларенмен (16-8) кездесті. Жекпе-жек жеңіл салмақта өтті және үш раундқа есептелді. Аталған жекпе-жекте төрешілер жеңісті бірауыздан қазақстандық спортшыға берді.

Қайрат Ахметов кәсіби рингте 27-інші жеңісіне қол жеткізіп отыр. Ал Рис Макларен кәсіби ММА-да тоғызыншы жеңілістің ащы дәмін татты.

Қазақстандық жекпе-жек шебері One FC лигасында 2015 жылдан бері өнер көрсетіп келеді. Сол кезден бері 9 айқас өткізіп, естен кетпес әсе қалдырды.

Аталған айқас Қайрат пен Ристің екінші кездесуі. Олар алғаш рет осыдан төрт жыл бұрын жұдырықтасып, төрешілер шешімімен қазақстандық боксшы басым түскен болатын.