Арал теңізінің деңгейі жарты метрдей көтерілді

Арал теңізінің деңгейі 48 сантиметрге дейін көтерілді, деп хабарлайды El.kz облыс әкімдігіне сілтеме жасап.

Мамандардың айтуынша, қазіргі таңда теңіздегі су деңгейі 48 см-ге дейін көтерілді.

2022 жылдың қазан айынан бастап бүгінгі таңға теңіздегі су деңгейі 40,90 мБЖ, немесе 48см дейін көтеріліп, жиналған су көлемі 19,7 млрд. текше метрге ұлғайды. Былтыр жыл көлемінде Аралға 816 млн м³ су түссе, биыл 2 айдың өзінде 803 млн м³ түсті, - делінген әкімдік таратқан ақпаратта.

Арал-Сырдария бассейндік инспекциясы басшысының міндетін атқарушы Зейнулла Қазтоғанов хабарлағандай, осы уақытқа дейін Солтүстік Арал теңізіне жиналған су көлемі 27,0 млрд.текше метрден, 18,5 млрд текше метрге азайған. Ал су деңгейі 40,42 мБЖ (метр Балтық жүйесімен) дейін төмендеген болатын.