Ақын Әбубәкір Смайыловтың өлеңдер жинағының тұсаукесері өтті

Ұлттық академиялық кітапханасында ақын Әбубәкір Смайыловтың «Құс жолында біреу жүр жоқ қараған» атты кітабының тұсаукесері өтті, деп хабарлайды El.kz ақпарат агенттігі.

Мәдениет және ақпарат министрлігінің мәліметінше, жинаққа ақынның кейінгі жылдары жазған азаматтық поэзиясы мен лирикалық өлеңдері енген.

Кітаптағы туындылар өткен ғасырдың аяғы мен жаңа ғасырдың басындағы қоғамның тыныс-тіршілігін суреттейді.

Іс-шараға зиялы қауым өкілдері, ақын-жазушылар мен оқырмандар қатысты.