Ақтөбеде жас футболшы қаза тапты

13 қазанға қараған түні «Ақтөбе» футбол клубы жас ойыншы – 15 жастағы Арон Мұсаның қаза тапқаны туралы қаралы хабар таратты. Бұл туралы ақпарат клубтың ресми Instagram парақшасында жарияланды, деп хабарлайды El.kz интернет порталы.

Алдын ала мәліметтерге қарағанда, қайғылы оқиға алдыңғы күні болған. Өлімнің нақты себебі әзірге жария етілмеген, алайда Аронмен бірге оның әжесі мен інісі де көз жұмғаны айтылды.

Клуб ұжымы жас спортшының отбасы мен туыстарына қайғырып көңіл айтты, сондай-ақ Аронның академияның болашағынан зор үміт күттірген ойыншысы болғанын атап өтті.

Қазіргі уақытта ресми органдар бұл жағдайға қатысты ресми түсініктеме берген жоқ.