Ақтөбеде жаңа жылы түнде дүниеге келген сәбилердің аналарын дәрігерлер құттықтады

Ақтөбеде жаңа жыл түні дүниеге келген нәрестелердің аналарын бірінші болып дәрігерлер құттықтады, деп хабарлайды El.kz ақпарат агенттігі. 

Жаңа жыл түні ең бірінші сәби Байғанин ауданындағы перзентханада дүниеге келген. Сағат 00:10-де салмағы 2900 гр  қыз бала дүниеге келді. Нәресте Гаухар мен Райымбек Оразғалиевтер отбасындағы төртінші перзент. Ал Ақтөбе қаласы бойынша бірінші бала 2025 жылы қалалық Қарғалы ауруханасында дүние есігін ашты. Сағат 00: 20-да көпбалалы ана бесінші баласын босанды.

Облыстық денсаулық сақтау басқармасының мәліметінше, Ақтөбе облысында жаңа жыл түнінде барлығы 14 сәби дүниеге келді. Оның тоғызы - ұл, бесеуі - қыз.

Барлық жаңа туған нәрестелер мен аналарды стационарлардың әкімшілігі өкілдері құттықтады.