Ақтөбеде 11 адам қар құрсауында қалып қойған

Ақтөбе облысында төтеншеліктер қар құрсауынан 11 адамды құтқарды, деп хабарлайды El.kz ақпарат агенттігі.

Хромтау ауданында жергілікті маңызы бар автожолда жолаушылары бар екі Газель автокөлігі қар құрсауында қалып қойған. Оқиға орнынан шұғыл жеткен құтқарушылар 11 адамды, оның iшiнде 5 баланы Хромтау қаласындағы «Далэс» кемпингiне жеткiздi. Оларға медициналық көмек қажет болмаған.

Төтенше жағдай қызметкерлеріне алғысымызды  айтамыз. Жаңа біз бала-шағамызбен барлығымыз тоңып қалғанда, шақырғанда келіп, міне жылыту орындарына алып келді. Үлкен рахмет,- деді құтқарылған әйел.