Ақтөбе облысында дала өрті сөндірілді

Ақтөбе облысы Әйтеке би ауданында, Сұлукөл ауылдық округінің аумағында, Сұлукөл ауылынан 20 шақырым қашықтықта шамамен 550 гектар аумақта құрғақ шөп жанды, деп хабарлайды El.kz интернет порталы.

ТЖМ мәліметінше, оқиға орнында әрекеттерді үйлестіруді ТЖД бастығының бірінші орынбасары мен Әйтеке би ауданының әкімі жүзеге асырды.

Өртті сөндіру күшті жел мен жоғары температураға байланысты қиындық туғызды, алайда ТЖМ бөлімшелерінің үйлесімді іс-қимылының арқасында өрт толықтай сөндірілді.

Өртті сөндіруге ТЖД күштері мен құралдары, «Ауыл құтқарушылары» ерікті өртке қарсы құрылымдары, жергілікті атқарушы орган және орман шаруашылығы қызметкерлері жұмылдырылды. Барлығы 75 адам мен 14 техника қатысты.