Ақтауда үйлерге ыстық су беріле бастады

Ақтаудың үйлеріне бүгін ыстық су толықтай беріле бастады, деп хабарлайды El.kz ақпарат агенттігі.

Еске сала кетейік,  «Маэк- Қазатомөнеркәсіп» ЖШС-дағы 6 қондырғының біреуінің істен шығуынан болған. Сол үшін кәсіпорын 4-желтоқсаннан бері су мөлшерін көтеру мақсатында ауыз судың қысымын төмендетіп, ыстық су беруді толықтай тоқтатқан еді. 

Бүгін кәсіпорын жұмысы штаттық режимге көшіп, қалаға ауыз су да, ыстық су да толық тарай бастады.

«Қазір кәсіпорын штаттық режимде жұмыс істеп жатыр. Ауыз су мен ыстық судың қысымы тиісті деңгейде берілуде. Тұрғын үйлерге қызмет көрсететін ұйымдар сумен қамтамасыз ету жұмыстарын жүргізу үстінде», - деді «МАЭК» ЖШС қоғаммен байланыс бөлімінің маманы Гүлбаршын Байназарова.