Ақтауда көпқабатты тұрғынүйден өрт шықты

«Green Plaza» тұрғын үй кешенінің 10-қабатындағы үш бөлмелі пәтердің балконында өрт шықты, деп хабарлайды El.kz ақпарат агенттігі otpannews.kz-ке сілтеме жасап.

Өрттің ауданы 40 шаршы метрді құрады. Аталған пәтердің жалпы ауданы 90 шаршы метр. Өрт сағат 18:35-те толығымен сөндірілді. Төтенше жағдайлар қызметі келгенге дейін 47 тұрғын, оның ішінде 16 бала ғимараттан өз бетімен эвакуацияланған.

Қаза болғандар мен зардап шеккендер жоқ. Өрттің себебі анықталуда. Өрт орнына ТЖД-дан 26 адам, 8 техника бірлігі және полиция департаментінен 10 қызметкер мен 5 техника бірлігі жұмылдырылды, - деп жазылған ТЖД өкілдері.