Ақтау тұрғыны балаларға тиісті деген күдікке ілінді

Ақтау тұрғыны балаларға тиісті деген күдікке ілінді, деп хабарлайды El.kz ақпарат агенттігі.

Маңғыстау облысының полиция департаменті мәліметінше, оқиға 31 шілде күні болған. Сағат 00:25-те құқық қорғау органдарына 26 шағын ауданның тұрғындары кішкентай балалардың артынан қуып жүрген ер адамды ұсталды деген қоңырау келіп түскен.

Оқи отырыңыз:

• Тойға арнайы жасақ келген: Ақтауда қонақтар мен полиция қызметкерлері арасында жанжал туындады
• Ұлытау облысында жас жігіт суға батып кетті

Тұрғындардан келген қоңырауға патрульдік полиция батальонының қызметкерлері шықты. Тексеру барысында 43 жастағы ер адам балаларды қуаламағаны, керісінше түнгі тыныштықты бұзғаны анықталды. Осы факті бойынша ҚР ӘҚБтК 437 - бабының 2-бөлігі бойынша әкімшілік хаттама толтырылды, - деді ведомстводан.

ПД күдікті тарапынан балаларға зорлық-зомбылық қолданылмағанын мәлімдеді.