АҚШ-та қауіпті вирус жұққан маймыл қашып кетті

АҚШ-тың Пенсильвания штатында зертханалық маймылдарды тасымалдап келе жатқан жүк көлігі апатқа ұшырап, вирус жұққан бір маймыл қашып кеткен, деп хабарлайды El.kz интернет порталы.

Көлікте гепатит С, герпес және коронавирус секілді қауіпті вирустармен жұқтырылған бірнеше макак болған. Құтқарушылар бес маймылды тез арада қолға түсіргенімен, бір маймыл әлі табылған жоқ.

Куәгерлердің айтуынша, апаттан кейін жануар жолды кесіп өтіп, жақын маңдағы орманға кіріп кеткен. Қазір іздестіру жұмыстары жүргізіліп жатыр.

Жергілікті билік өкілдері маймылдың агрессивті болуы мүмкін екенін және адам денсаулығына қауіп төндіретінін ескертті.

Белгілі болғандай, жүк көлігі Флорида штатындағы Тулейн университетінен зерттеу зертханасына бара жатқан. Тасымалдаушы жүргізуші қауіпті биоматериал алып келе жатқанын білген.

Оқиға орнында эпидемиологтар мен құқық қорғау органдары жұмыс істеуде. Мамандар тұрғындарды жануарды байқаса, оған жақындамауға және бірден полицияға хабарлауға шақырды.