АҚШ-та футбол матчынан кейін атыс болып, үш адам көз жұмды

АҚШ-та белгісіз екі адам футбол командасының жеңісін тойлап жатқан топқа оқ жаудырды. Бұл туралы Associated Press News-ке сілтеме жасай отырып El.kz ақпарат агенттігі хабарлайды.

Агенттіктің хабарлауынша, оқиға Миссисипи штатында болған. Шабуылдан үш адам қаза тапты: екеуі 19 жаста, үшіншісі 25 жаста. Тағы сегіз адам жарақат алып, тікұшақтармен жергілікті ауруханаларға жеткізілді.

Полиция мәліметінше, қайғылы оқиға мектептердің бірінің түлектерінің кездесуі аясында өткен футбол матчынан кейін болған. Ашық аспан астындағы мерекеге шамамен 200-300 адам жиналды.

Округ шерифі Уилли Марч атыс басталғанға дейін бірнеше ер адамның арасында төбелес болғанын алға тартты.