АҚШ-та балабақшада баланы жылан шағып алды

Солтүстік Каролина штатының Стоуни-Пойнт қаласындағы балабақшаның құмсалғышына жылан кіріп, 4 жасар ұл баланы шағып алды. Бала тез арада ауруханаға жеткізілген. Бұл туралы New York Post басылымына сілтеме жасай отырып El.kz интернет порталы хабарлайды.

Оқиға жергілікті жұрт арасында үлкен дау туғызды. Себебі балабақша қызметкерлері ата-аналарға баланың ауруханаға түсу себебін айтпаған, жедел жәрдем шақырмаған, оны өздері ауруханаға апарған.

Бүлдіршіннің отбасына «ол әйнек сынығына қолын жаралап алды» деп айтқан.  Оның ата-анасы ауруханаға барған кезде ғана жылан шаққанын білген.

Басылымның мәліметінше, балабақша қызметкері жыланды өзі өлтірген. Ал баланың қазіргі жағдайы нақты хабарланбады.