АҚШ-та әйел лотереядан ұтып алған 10 млн долларын әріптестерімен бөліскен

АҚШ-тың Индиана штатында тұратын әйел 11 жыл бойы үзбей лотерея билеттерін сатып алып, ақыры армандаған үлкен жеңіске қол жеткізді, деп хабарлайды El.kz интернет порталы.

2025 жылғы 16 тамызда сатып алған кезекті купоны оған шамамен 10 миллион доллар табыс әкелген.

Әйел лотерея билеттерін үнемі зауыттағы жұмысы кезінде сатып алып жүрген. Сол жерде ол төрт әріптесімен достасып, бірге ойнай бастаған. Тіпті жұмыстан шыққаннан кейін де достары ойынды бірге жалғастырған.

Бұрынғы әріптестерім жүлдені қалай пайдаланатынын қазірдің өзінде шешіп қойды. Біреуі көлік алғысы келеді, енді бірі – үй сатып алмақ, тағы бірі ақшаны жинақ шотына салуды жоспарлап отыр, – деді жаңадан миллионер атанған әйел People басылымына берген сұхбатында.

Осылайша, ол қуанышын достарымен де бөлісуді жөн көрген.