АҚШ Сирияға қарсы санкцияларды алып тастады

Америка Құрама Штаттарының президенті Дональд Трамп 2004 жылдан бері қолданыста болған Сирияға қарсы санкцияларды тоқтату туралы жарлыққа қол қойды. Бұл жөнінде Ақ үй хабарлады, деп жазады El.kz интернет порталы.

Дональд Трамп Сирияның бейбітшілік пен тұрақтылыққа ұмтылысын қолдау мақсатында бұл елге қарсы санкциялық режимді тоқтату жөніндегі тарихи президенттік жарлыққа қол қойды, - деді АҚШ президенті әкімшілігі.

Атап айтқанда, Трамптың жарлығы кейбір тауарларға қатысты экспорттық бақылау шараларын жеңілдетеді және елге шетелдік көмек көрсетуге қойылған шектеулерді алып тастайды.

АҚШ Сирия үкіметін Израильмен қарым-қатынасты қалыпқа келтіруге және шетелдік террористерге қарсы күресті күшейтуге шақырды.

Ал Мәскеуге қашып кеткен Башар Асад пен оның жақтастарына қатысты санкциялар күшінде қалады.