АҚШ пен Қытай баж салығын төмендетуге уағдаласты

АҚШ пен Қытай 90 күнге баж салығын төмендетуге уағдаласты, деп хабарлайды El.kz ақпарат агенттігі.

Женевада өткен келіссөздер нәтижесінде тараптар өзара тарифтерді 115 пайызға қысқарту туралы ортақ шешімге келген. Бұл келісімге сәйкес, АҚШ қытайлық өнімдерге салынатын тарифті 30 пайызға дейін, ал Қытай америкалық тауарларға баж салығын 10 пайызға дейін азайтпақ.

Тарифтерді төмендету туралы келісім мамырдың 14-інен бастап күшіне енеді.

Бұл мәміле қаржы нарықтарына оң әсерін тигізді: мұнай бағасы қымбаттап, доллар нығая түсті.