Ақмолалықтың үйінен 8 келі марихуана анықталды

Ақмолалықтың үйінен полиция қызметкерлері 8 келі марихуана тапты. Бұл туралы Polisia.kz сайтына сілтеме жасай отырып El.kz ақпарат агенттігі хабарлайды.

Полицейлер Астрахан ауданының 35 жастағы тұрғынының үйінен шөптен жасалған есірткінің үлкен партиясын тапты. Бір қызығы, ауыл тұрғыны басқа қылмыстық іс бойынша сотталушы түрінде өтіп жатыр, бірақ қазір ол қылмыстық кодекстің бірнеше бабы бойынша заң алдында бірден жауап беруі керек. Жүргізілген тергеу іс-шараларының нәтижесінде құқық қорғау органдары кептірілген марихуана есірткі затын тауып, тәркіледі, - делінген мәліметте.

Сараптама көрсеткендей, алынған заттың салмағы 8 келіден асады. Ер адам жұбайымен және баласымен бірге тұратыны анықталды. Қатысушының тұрғылықты жеріндегі тағы бір табылған зат – оқу гранатасы мен пышақ болды, олар тиісті сараптамаға жіберілді.

Сотқа дейінгі тергеп-тексеру шеңберінде ҚР ҚК-нің 296-бабы 4-бөлігі (Есірткі құралдарын заңсыз сақтау) және ҚР ҚК 287-бабы 3-бөлігі (Қаруды заңсыз сақтау) бойынша одан әрі тергеу әрекеттері жүргізіліп жатыр.

Тергеу кезеңінде күдікті анықталып, уақытша ұстау изоляторына қамалды.