Ақмолада 36 тонна шөп жанып кетті

Ақмола облысында шөп үйіндісі мен шаруашылық құрылыс отқа оранды. Оқиға Қорғалжын ауданының Сабынды ауылындағы жеке тұрған шаруашылық құрылыста болған, деп хабарлайды El.kz интернет порталы. 

Өрт аумағы 30 шаршы метрді құрады. Оқиға кезінде 36 тонна шөп жанып кетті.

Төтеншеліктердің жедел әрекетінің арқасында тілсіз жау толық сөндірілді. Қазіргі таңда өрттің шығу себебі анықталуда.

Облыстық ТЖД мамандары өрт қауіпсіздігі ережелерін қатаң сақтауға шақырады.