Ақмола полицейлері 37 мас жүргізушіні ұстады

Ақмола полицейлері жаңа жылдық мерекелерде 37 мас жүргізушіні ұстады, деп хабарлайды El.kz ақпараттық агенттігі.

Демалыс және мереке күндері патрульдік полиция нарядтары күшейтілген режимде жұмыс істейді. Басты міндеттерінің бірі - алкогольдік немесе есірткілік мас күйінде көлікті басқару фактілерінің жолын кесу.

30 желтоқсан мен 2 қаңтар аралығында Ақмола жолдарында 37 мас жүргізуші ұсталды, 4-еуі жүргізуші куәлігінен айырыла отыра көлік басқарған, 9-ы жүргізуші куәлігінсіз рөлге отырды.

Төрт күнде 50 көлік айыптұраққа қойылды.