Ақмола облысында қарт кісі ваннадағы суға батып кете жаздады

1 қазанда Ақкөл қаласында тәртіп сақшылары өзінің жуынатын бөлмесіндегі ваннаға батып кете жаздаған 70 жастағы ер адамды құтқарды. Полицияға жергілікті тұрғыннан ағасының 30 қыркүйектен бастап байланысқа шықпағаны жайлы хабар келді. Әпкесі жалғыз тұратын ақмолалықтың денсаулығына алаңдағанын айтты, деп хабарлайды El.kz ақпарат агенттігі.

Полиция қызметкерлері Абылай Дәукенов, Арай Бек және Демежан Серсенбаев дереу көрсетілген мекенжайға барды, сондай-ақ оқиға орнына ТЖ бөлімінің қызметкерлері келді.

Үйге келген полицейлер есіктің ішінен құлыпталғанын көріп, пәтерге терезе арқылы кірген.

Топ ішке кіргенде, олар жуынатын бөлмеде суық судың ваннадан төгіліп жатқанын көрді. Қарт кісінің құлап, кранды жұлып алып, өздігінен ваннадан шыға алмағаны белгілі болды.

Полиция мен құтқарушылар уақытылы көмек көрсетіп, қайғылы жағдайдың алдын алды.