Ақмола облысында өрт болып, 40 адам эвакуацияланды

Ақмола облысында болған өрт оқиғасы кезінде құтқарушылар 40 адамды қауіпсіз жерге шығарды, деп жазады El.kz интернет порталы.

Төтенше жағдай Қосшы қаласында тіркелді. Жангелдин көшесіндегі бес қабатты үйдің екінші қабатында электр қалқаншасында қысқа тұйықталу болып, қатты түтін тараған.

Оқиға орнына жеткен құтқарушылар баспалдақ арқылы 40 тұрғынды, соның ішінде балаларды эвакуациялады. Өрттің таралу қаупі болмаған, зардап шеккендер жоқ, – деп хабарлады министрлік өкілдері.

Төтенше жағдайлар министрлігі тұрғындарды электр құрылғыларын пайдаланғанда қауіпсіздік ережелерін қатаң сақтауға, сондай-ақ өрт қауіпсіздігі жүйелерінің жарамдылығын үнемі тексеріп тұруға шақырды.