Анасы терезеден лақтырған балалардың жағдайы белгілі болды

Дәрігерлер Павлодарда анасы терезеден лақтырып жіберген екі баланың өмірі үшін күресіп жатыр. Облыстық денсаулық сақтау басқармасындағылар кішкентай баланың жағдайы өте ауыр екенін айтты, деп хабарлайды BAQ.KZ-ке сілтеме жасап El.kz интернет порталы.

2024 жылы туған балаға 30 шілде күні кешке ішкі ағзасына қан кетуіне байланысты шұғыл ота жасалды. Дәрігерлер жаншылып қалған сол жақ бүйрегін алып тастады, - делінген хабарламада.

Қазір сәби өкпені жасанды желдету (ИВЛ) құрылғысына қосылған. Дәрігерлер баланың жағдайы өте ауыр деп отыр.

2017 жылы туған үлкен баланың да жарақат алғаны хабарланды. Дегенмен дәрігерлердің айтуынша, оның жағдайы қалыпты. Ол есін біледі, өздігінен тыныс алып жатыр.

Еске салсақ, Павлодарда әйел бесінші қабаттан екі баласын лақтырып, артынан өзі секіріп кеткен болатын.