Америкалық саясаттанушы: Тоқаевтың сөзінен үлкен әсер алдым

Америкалық саясаттанушы әрі жазушы Билл Ричардсон Астана халықаралық форумы туралы пікір білдірді, деп хабарлайды El.kz ақпараттық агенттігі.

Астана халықаралық форумы – өте маңызды диалог алаңы. Қазақстан соңғы жылдары көптеген форумда көшбасшы болып жүр. Кеше Президент Қасым-Жомарт Тоқаевтың сөзінен үлкен әсер алдым. Оның ішінде әсіресе климаттың өзгеруі туралы және Еуропа мен Азияның арасындағы дәліз туралы аса маңызды тақырыптарды қозғады, - деді Билл Ричардсон.

Өз сөзінде саясаттанушы Қазақстанға төртінші мәрте келіп отырғанын жеткізді.

Алғаш рет ЭКСПО көрмесіне келдім. Қазақстан – жер көлемі бойынша ең алпауыт елдердің бірі. Қазақстанды жерінің байлығы жағынан және мұнай мен газға бай мемлекет ретінде танимын. Сондықтан да әлем елдерін өзекті диалогқа шақырып отыр. Қазақстан әркез АҚШ-пен достық қарым-қатынас орнатып келеді, – деді америкалық саясаттанушы Билл Ричардсон.