Аляскадағы саммит: Путин мен Трамп не жайлы келісуі мүмкін

15 тамыз күні АҚШ пен Ресей президенттері жеке кездесу барысында Украинадағы соғысты және ықтимал бейбіт келісімді талқыламақ, деп хабарлайды El.kz интернет порталы.

Кездесуде Путин нақты не ұсынатыны, Трампқа қандай шарттар ыңғайлы болатыны және бұл ұсыныстарды Украина мен Еуропа қабылдайтыны әзірге белгісіз. BBC шолушысының пікірінше, әзірге бір нәрсе айқын болып отыр: Аляскадағы саммиттің Владимир Путин үшін одан артық тиімді болатын адамы табыла қоюы қиын.

8 тамыз күні Дональд Трамп жариялаған ультиматумның мерзімі аяқталды. АҚШ президенті Ресейге және оның сауда серіктестеріне Украинамен бейбіт келісімге жету жолында ілгерілеу болмаса, бұрын-соңды болмаған санкциялар енгізетінін мәлімдеген еді.

Шілде айының соңында Ұлыбритания премьер-министрі Кир Стармермен бірлескен баспасөз мәслихатында Трамптан оның Путинмен жеке кездесуі Украинада бітімге келуге көмектесе ме деп сұрады.

Мен енді әңгімеге қызықпаймын, - деп жауап берді Трамп.

Алайда осыдан кейін Трамптың арнайы өкілі Стив Уиткофф Мәскеуге барып, Путинмен сөйлесті. Әңгіме нәтижесі АҚШ президентін қанағаттандырды және Уиткоффтың сапарының қорытындысы ретінде Трамп пен Путиннің Аляскада жеке кездесу жөнінде келісімі жасалды.

Стив Уиткоффтың Мәскеуге сапарынан кейін Трамп Ресейдің Украинаға қарсы соғысында атысты тоқтату мүмкіндігі бар екенін мәлімдеді. Bloomberg агенттігінің хабарлауынша, бұл жайлы Трамп Зеленскийге және еуропалық көшбасшыларға жеткізген.