Алматылықтар Дженнифер Лопестің концертінен кейін орталық стадионды қоқыстан тазартты

Дженнифер Лопестің Алматыдағы концертінен кейін еріктілер мен жастар «Taza Qazaqstan» акциясы аясында Орталық стадионды тазалады, деп хабарлайды El.kz интернет порталы.

Алматыдағы Орталық стадионда өткен Дженнифер Лопестің ауқымды концерті еліміздің түкпір-түкпірінен келген 20 мыңнан астам көрермен мен 35-тен астам елден келген қонақтарды жиналған. Концерт аяқталысымен стадионға және оған іргелес аумаққа ондаған ерікті мен жастар ұйымдарының өкілдері тазалық жұмыстарына ат салысқан. 

Қолғап киіп, қоқыс қаптарын арқалаған олар трибуналар мен өткелдерді, сондай-ақ, айналадағы аумақты тез арада тазартып, стадион мен қала бастапқыдай таза күйге енді. Ұйымдастырушылардың айтуынша, мұндай жұмыс бұқаралық мәдени шараларды өткізудің мәдениетіне айналған маңызды бөлік.

Шоу аяқталғаннан кейін де қала мен қонақтарға қамқорлық жалғасады. Бұл Алматының республикалық экологиялық «Taza Qazaqstan» акциясына қосқан үлесі. Бұл музыкаға деген сүйіспеншілік пен қалаға деген махаббат қатар өрби алатынын дәлелдейтін тамаша үлгісі болып отыр.