Алматылық 80 оқушы «Тоғызқұмалақ» олимпиадасында бақ сынады

Алматыда Ұлттық ойынымыз «Тоғызқұмалақ» ойынынан қалалық іріктеу олимпиадасы өтті, деп хабарлайды El.kz ақпарат агенттігі.

Жарысқа аудандық іріктеуден өткен 80 оқушы өз бақтарын сынады.

Олимпиада қорытындысы бойынша жеңімпаздар мен жүлдегерлер медаль және дипломдармен марапатталынды.

Жеңімпаз атанған спортшылар Астана қаласында  өтетін Республикалық олимпиадаға жолдама алды.

«Тоғызқұмалақ» олимпиадасын өткізудің мақсаты логикалық және математикалық ойлауды дамыту, оқушылар арасында ұлттық ойындарды дәріптеу болып табылады.