Алматыдағы тәртіп сақшысының өлімі: оқиғаның видеосы пайда болды

Әлеуметтік желіде Алматыдағы мекемелердің біріне келген қонақ пен полиция қызметкері арасындағы төбелестің қалай басталып, тәртіп сақшысының қалай өлтірілгені көрсетілген видео тарады, деп хабарлайды El.kz ақпарат агенттігі.

Видеоны журналист Михаил Козачков Telegram-арнасында жариялаған. Кадрдан төбелестің қалай басталғанын көруге болады.

Ашуға булыққан ер адам қасындағы бойжеткенге кенеттен шабуыл жасап, тұншықтыра бастайды. Әйел адамға көмекке келгендердің арасында полиция қызметкері де болған. Жанжал кезінде ол Өзбекстан азаматын бетінен ұрған, ал әлгі ер адам пышағын тәртіп сақшысының жүрегі мен ішіне үш рет сұғып алған. Өкінішке қарай, ол алған жарақаттарынан қайтыс болды.

Ал күдікті уақытша ұстау изоляторына қамалған.