Алматыдағы Көктөбе телемұнарасына найзағай түсті

13 маусым күні Алматыда ауа райы күрт өзгерді, деп хабарлайды El.kz ақпарат агенттігі.

Таңертең ерте күн күркіреп, қала тұрғындары мен қонақтарын да шошытқан. Сонан соң қатты жауын жауды. Жергілікті фотограф Александр Шаварев Көктөбеге жай түскен сәтті суретке түсіріп үлгерген.

Шаварев бұл сәттің видеосын өзінің Instagram-дағы парақшасында жариялады.

Көктөбедегі телемұнараға жай түсті, 13.06.2024, – делінген видеоның жазбасында.

Оқырман қауым пікір қалдырып, табиғаттың кереметтігіне тамсанып жатыр.

«Керемет!», «Ішіндегі адамдар өздерін қалай сезінді екен?», «Қорқынышты», «Тағы ма?», «Не деген күш!» - деп жазды оқырман.

Кеше Алматы қалалық Төтенше жағдайлар департаменті 13 маусымда ауа райына байланысты ескерту жариялаған еді.