Алматыдағы этнос өкілдеріне қазақ қолөнері мен қолөнер шеберлік сыныптары өткізілді

Алматы қаласындағы Достық үйінде «Киелі дәстүр мұрагерлері» тақырыбында шеберлік сыныптары өткізілді.

Іс-шара «Қазақтану» жобасының іс-шаралар жоспарын жүзеге асыру мақсатында «Рухани жаңғыру» бағдарламасы  мен Президенттің «Ұлы даланың жеті қыры» атты тарихи сана-сезімін жаңғыртуға арналған «Мыңжылдық дала фольклоры мен музыкасы» жобасының аясында өткізілді.

Шеберлік сыныптарын «БЛЭК» компаниясының менеджері Анастасия Гатиятова, қазақ қолөнер бұйымдары бойынша - Әділхан Жібек, Сұлтан Тілек, Айдар Бексұлтанов жүргізді.

Шеберлік сыныптар Алматыдағы этникалық топтардың өкілдеріне қазақ халқының мәдениеті мен қолөнер бұйымдарын жасау мен олардың пайда болу тарихын көрсетуге бағытталған. Іс-шара барысында ұлттық бұйымдарды безендіру, дизайнерлік киім, тұрмыстық заттардың көрмесі ұйымдастырылды, сондай ақ қатысушылар белгілі бір заттың пайда болу тарихы мен  өндіріс әдісімен танысты.