Алматыда ұлы көзі көрмейтін зейнет жастағы анасын ұрып тастады

Алматыда ішімдікке құмар ер адам зейнеттегі көзі көрмейтін анасын жиі ұрып келген, деп хабарлайды El.kz ақпарат агенттігі.

Әйелдің көршілері полицияға арызданғанмен, ер адам темір торда бірнеше күн өткізіп, қайта бостандықта жүретін көрінеді. Соңғы рет ұлы анасын ұрған оқиға 1 мамыр күні болған. 76 жастағы зейнеткердің жан дауысын естіген көршілер тез арада жеткенмен, оны ауыр соққыдан арашалай алмады. Осындай жайттардан кейін ұлы анасының көзі көрмегендіктен, өзі құлап қалды деп ақталған.

Алматы қалалық полиция департаментінде қылмыстық іс тіркелгенін хабарлады. Сот-медициналық сараптамасы тағайындалып, ер адам 10 күнге қамауға алынды.