Алматыда тонау фактісі камераға түсіп қалды

Алматыда тонау фактісі камераға түсіп қалды, деп хабарлайды El.kz ақпарат агенттігі.

Алматының Алмалы ауданында жедел уәкілдер екі қарақшыны ұстады. Райымбек даңғылы мен Тілендиев көшесінің қиылысында, олар, өтіп бара жатқан 58 жастағы азаматқа шабуыл жасап, жеке мүлкін тартып алған.

Күдіктілер ұсталып, қамауға алынды. Бұл қылмысты жедел ашуға бейнебақылау жүйелері ықпал етті. Олардың көмегімен тонаудың минут сайынғы хронологиясын құру және күдіктілердің жүру бағытын анықтау мүмкін болды. Қазіргі уақытта ұсталғандардың жеке басы басқа да ықтимал қылмыстық эпизодтарға қатысы бар-жоғына тексерілуде, - деді Алмалы аудандық ПБ-на қарасты полиция бөлімінің бастығы Батуржан Абдумасаров.

Полиция, Алматыда барлығы 176 мың 670 бейнебақылау камерасы жұмыс істейтінін еске салды.  Өткен жылы олардың көмегімен 3 мың қылмыс ашылды, ЖҚЕ бұзуды қосқанда 3 миллион 728 мың 094 әкімшілік құқық бұзушылық анықталды.