Алматыда «Таза Қазақстан» аясында жұмыстар күшейтілді

Алматы қаласының әкімі Дархан Сатыбалды аудан әкімдерімен және қалалық қызмет басшыларымен 2025 жылдың бірінші жартыжылдығындағы «Таза Қазақстан» акциясының қорытындысы мен үшінші тоқсанға арналған жоспарлар жөнінде кеңес өткізді, деп хабарлайды El.kz интернет порталы.

Көгалдандыру мен санитарлық тазалаудан бастап, рұқсатсыз жарнамаға қарсы күрес пен ағартушылық жұмыс сынды 81 іс-шара талқыланды. 160 қалалық LED-экранда орналастырылған ұрандар, бейнероликтер, аудио материалдар әзірленіп, ауқымды медианауқан басталды. Мәселен, Алатау ауданында аулалар тазартылып, абаттандыру жүргізілуде, Наурызбай ауданында қоқыс үйінділері жойылып, көше тәртібі бақылауға алынған.

Іс-шаралардың орындалуына бақылауды күшейту және қала тұрғындары арасында экологиялық мәдениетті дамыту тапсырылды.

Сенбіліктер ресми сипатта өтпеуге тиіс. Барлық қызмет қағаз жүзінде емес, іс жүзінде қатысуы қажет, – деді Дархан Сатыбалды.