Алматыда Рысқұлов даңғылының бір бөлігі уақытша жабылады

Алматыда Рысқұлов даңғылындағы жолайрықтың учаскелері біраз уақытқа жөндеуге жабылады. Себебі аталған жол бөлігінде орташа жөндеу жұмыстары жүргізіледі, деп хабарлайды El.kz ақпарат агенттігі. 

17 тамыз сағат 23:00-ден 19 тамыз сағат 11:00-ге дейін Табачнозаводская көшесінен батыс бағытта Рысқұлов-Жансүгіров жолайырығындағы бұрылысқа дейін қозғалыс жабылады. 

18 тамыз сағат 23:00-ден 20 тамыз сағат 11:00-ге дейін Рысқұлов-Жансүгіров жолайрығының басынан Табачнозаводская көшесіне дейінгі шығыс бағыттағы учаскеде көлк қозғалысы шектеледі. 

Рысқұлов-Сейфуллин және Рысқұлов-Жансүгіров жолайрықтарындағы жолдар арқылы екі бағытты да айналып өтуге болады. 

Жөнделіп жатқан учаскеде ескерту белгілері, мердігер ұйымының басшысының байланыс ақпараттары көрсетілген стендтер қойылады.