Басты
Жаңалықтар
Алматыда электромобильдерге арналған 311 қуаттау бекеті орнатылады

Алматыда электромобильдерге арналған 311 қуаттау бекеті орнатылады

Ақмарал Ағзамқызы
Фото: Алматы әкімдігі

«Алматы» әлеуметтік-кәсіпкерлік корпорациясы электр қуаттау бекеттеріне арналған 311 жер учаскесін бөлді. Бұл бекеттердің әрқайсысын конкурс арқылы іріктелген отандық инвесторлар орнатады, деп хабарлайды El.kz ақпарат агенттігі.

Әр бекет екі автотұрақ орнын қамтиды, яғни барлық нысан іске қосылғаннан кейін қалада электр көліктерін қуаттауға арналған 622 жаңа орын пайда болады.

Бекеттер базар, дәмхана, саябақ пен өзге де қоғамдық орын сынды халық көп жиналатын жерлерге орнатылады. Барлық нысанды жыл соңына дейін іске қосу жоспарланып отыр.

Қазіргі таңда Алматыда 300-ден астам электр қуаттау бекеті жұмыс істеп тұр. Бұл жоба 2029 жылға дейінгі электр көліктер инфрақұрылымын дамыту жөніндегі «жол картасы» аясында жүзеге асырылып жатыр және экологиялық жағдайды жақсартуға бағытталған.

2025 жылғы 1 сәуірдегі мәлімет бойынша Алматыда 8 385 электр көлігі тіркелген – бұл өткен жылмен салыстырғанда 50%-ға көп.
электромобиль Алматы
Қысқа да нұсқа. Жазылыңыз telegram - ға

Оқи отырыңыз

{