Алматыда екі өрт болды

Қазақстан ТЖМ құтқарушылары Алматы қаласының екі ауданындағы өртті сөндірді, деп хабарлайды El.kz ақпарат агенттігі.

ТЖМ мәліметінше, бірінші оқиға Әуезов ауданы Сүлейменов көшесі бойындағы екі қабатты тұрғын емес үйде 80 шаршы метр алаңда үйдің шатыры мен бөлмелерінде өрт шықты.

Адамдарды эвакуациялау іс-шаралары қажет болмады, ескі үй бұзылуға арнаған.

Екінші оқиға Алмалы ауданы Байзақов көшесі алты қабатты тұрғын үйдің төртінші қабатында  5 шаршы метр алаңда үй заттары жанды.

Құтқарушылардың қабылдаған шараларымен өрттер сөндірілді, зардап шеккендер жоқ, өрттердің себебі анықталуда, - делінген мәліметте.