Алматыда ағаш көліктердің үстіне құлады

Алматыда құлаған ағаш үш бірдей көлікті зақымдады, деп хабарлайды El.kz ақпарат агенттігі.

Оқи орнынан кадрлар әлеуметтік желіде тарады. Видеодан құлаған ағаштың ауладағы тұрақта тұрған үш көлікке зақым келтіргенін көруге болады.

Жаңа көліктердің зақымданғаны өкінішті, - деп жазды видео авторы.

Оқиға Әуезов ауданында болған.

14 қарашада сағат 15:10-да құтқарушыларға Жандосов көшесінде ағаштың үш көліктің үстіне құлағаны туралы хабармала келген. Ағаш құлаған орын тез арада «109» құтқару қызметімен тазаланды, - делінген мәліметте.

Зардап шеккендер мен қайтыс болғандар жоқ.