Алматыда 105 мың тұрғын көлік салығын төлемеген

Төлем мерзімі аяқталғанға дейін бірнеше күн қалғанына қарамастан, Алматы қаласының 105 мың тұрғыны жалпы сомасы 1,5 миллиард теңгеден аса көлік салығын төлемеген, деп хабарлайды El.kz ақпарат агенттігі.

Биыл 1 сәуірде меншік құқығында көлік құралдары бар жеке тұлғалардан 2022 жылға арналған көлік құралдарына салық төлеу мерзімі аяқталады.

2021 жылмен салыстырғанда көлік құралдарының саны 108 124 автомобильге немесе тиісінше 18 пайызға, салық базасы 2,2 миллиард теңгеге өскен. Салық төлеу мерзімі өткеннен кейін көлік салығын төлемеген адамдарға мынадай шаралар қолданылатынын білу маңызды: мерзімі өткен әрбір күн үшін қайта қаржыландырудың 1,25 еселенген мөлшерінде өсімпұл есептеу, салық органдары мәжбүрлеп өндіріп алу мақсатында сот орындаушыларына «салық бұйрықтарын» жібереді, оның негізінде мүлікке және банк шоттарына тыйым салынады, шетелге шығуды шектеу. Сонымен қатар қарыз сомасының 25 пайызын құрайтын сот шығындары қарастырылған, - делінген хабарламада.

МКД өкілдері осы шараларды болдырмау үшін төлем мерзімі аяқталғанға дейін жеке тұлғаларды көлік құралдарына салынатын салықты төлеуге шақырды.

Салық сомасын е-Salyq Azamat мобильді қосымшасындағы калькулятордың көмегімен немесе Мемлекеттік кірістер комитетінің интернет-ресурсында дербес есептеуге болады www.kgd.kz, толығырақ 1414/3 нөмірі бойынша.