Алматы мен Қонаев арасына электр пойыз қатынайды - әкім

Алматы әкімі Ерболат Досаев Алматыдан Қонаев қаласына электр пойызы жүретінін хабарлады. Бұл туралы ол 2025 жылға дейінгі даму жоспарының негізгі басымдықтары мен 2030 жылға дейінгі орта мерзімді перспективалардың жобасын жұртшылыққа таныстыру кезінде айтты, деп хабарлайды EL.KZ.

Қала мен қала маңындағы елді мекендердің көлік байланысын жақсарту үшін қала маңынан қаладағы көлік тораптарына қосымша 30 бағыт ұйымдастырылады. Алматы-2 станциясынан Қонаев қаласына электр пойызын жібереміз, Алматы-3 вокзалының құрылысын бастаймыз, - деді Ерболат Досаев.

Осылайша, мегаполис басшысының айтуынша, жол инфрақұрылымын түсіріп, көлік байланысын жақсартуға болады.

Біз ең көп кіреберіс тас жолдарды – 2025 жылға дейін – Құлжинский трассасын және Боралдай – Шамалған тас жолын, 2030 жылға дейін – Талғар трактісі мен Қаскелеңнің жоғарғы бөлігін кеңейтеміз. Нәтижесінде қала мен Алматы облысы арасындағы күнделікті қоғамдық көлік қозғалысы қазіргі 400 мыңнан 2025 жылға қарай 500 мыңға, 2030 жылға қарай 600 мыңға дейін артуы тиіс екендігін айтты Ерболат Досаев. 

Сонымен қатар, Алматы агломерациясында қоғамдық көлікті дамыту бойынша бірлескен жобалық кеңсе құрылады.

Өнеркәсіптік өндіріс пен логистикалық инфрақұрылымды қаладан Алматы облысына көшіру қала маңындағы елді мекендердегі тұрғындардың өмір сүру сапасын жақсартуға ықпал етеді. Қала маңындағы елді мекендердегі тұрғындардың өмір сүру сапасын жақсарту үшін тұрақты жұмыс орындары жеткілікті мөлшерде құрылуы тиіс. Бұған өнеркәсіптік өндіріс пен логистикалық инфрақұрылымды Алматыдан Алматы облысына көшіру арқылы қол жеткізуге болады, - деді Ерболат Досаев.