Алматы әуежайында қауіпсіздік шаралары күшейтілді

Алматы әуежайында тексеріс күшейтілді. Жолаушылардың енді рейске ертерек келгені жөн, деп хабарлайды El.kz.

Бүгінен бастап Алматы халықаралық әуежайында тексеріс күшейтілді. Яғни, әуежайға кіре берістегі терминалда қосымша тексеру желісі қойылды.

«Қазақстанның авиациялық әкімшілігінің өкімі бойынша 12 қыркүйектен бастап, жедел-алдын алу іс-шараларын жүргізуге байланысты Алматы халықаралық әуежайында авиациялық қауіпсіздікті күшейту шаралары енгізілді. Халықаралық тіркеу залының алдына қосымша тексеру желісі қойылды», - делінген ресми хабарламада.

Жолаушыларға рейстеріне кешігіп қалмас үшін әуежайға ертерек келу ұсынылды.

Айта кетейік, бұл қауіпсіздік шарасы 30 қыркүйекке дейін жалғасады.