Алматы тауларында аустралиялық туристің денесі табылды

Аустралия азаматы Үлкен Алматы шатқалын аралауға кетіп, содан қайтып оралмаған, деп хабарлайды El.kz ақпарат агенттігі.

1995 жылы туған Аустралия азаматы 21 мамырда Үлкен Алматы шатқалына қарай кеткен. Содан оралмаған. Бұл туралы полиция департаментіне ер адаммен бірге келген Ресей азаматы хабарлаған.

Жедел-іздестіру іс-шаралары барысында БАО-дан алыс емес Аю-Сай шатқалында зорлық-зомбылық белгілерінсіз қайтыс болған 1995 жылы туған Herd Jake Michael-дың денесі табылды. Жеке заттары өзімен бірге болды. Кісі өлімінің себебін анықтау мақсатында сот-медициналық сараптама тағайындалды, - деп хабарлады Алмалы аудандық ПБ бастығы Есен Ысқақов.

Біз бұған дейін туристі іздеуге 6 адамнан тұратын республикалық жедел-құтқару жасағының жедел құтқару тобы және 1 кинологиялық есеп жіберілгені туралы жазған едік.