Алматы облысында жоғалған аңшы табылды

Кеше Алматы облыстық ТЖД кезекші бөліміне Ұйғыр ауданы Қырғызсай ауылының маңында аң аулауға кеткен 1978 жылы туған ер адамның жоғалып кеткені туралы хабарлама келіп түскен, деп хабарлайды El.kz интернет порталы.

Іздестіру жұмыстарына құтқарушылармен бірге полиция қызметкерлері, ЖАО және жергілікті тұрғындар қатысты. Іздеу-құтқару жұмыстары бүгін таңғы сағат 4-те басталды.Іздеу тобы ауылдан 30 шақырым жерде аңшыны тапты. Ол таулы жерлерде бағдардан адасып кеткен. Аңшыға медициналық көмек қажет болмаған.

Осы ретте ТЖМ тауға немесе бейтаныс жерге шыққан кезде жергілікті билік пен ТЖ қызметтеріне өз бағыты туралы хабарлау керек екенін еске салады.