Алматы облысында қар көшкіні жүруі мүмкін

Алматы облысының таулы аймақтарында 1-2 қаңтар күндері қар көшкіні қаупі сақталады, деп хабарлайды El.kz ақпарат агенттігі. 

Төтенше жағдайлар департаменті азаматтарды, туристерді және демалушыларды таулы аймақтардағы қар басқан беткейлерге шықпауға шақырды.

Құрметті азаматтар, қар көшкінін тудыру қаупін болдырмау үшін тауға бармаңыздар, сондай-ақ тау жағдайында қауіпсіздік шараларын қатаң сақтаңыздар, – делінген Алматы облысы ТЖД хабарламасында.

Алматы облысында 55 көшкін қаупі жоғары аймақ бар. Олар негізінен Іле Алатауының оңтүстік беткейінде, Еңбекшіқазақ, Талғар және Қарасай аудандарының аумағында орналасқан. Қар көшкіндері көбіне ауа температурасының жоғарылауы және қар мен жаңбыр түрінде көп мөлшерде жауын-шашын түсуінен болады.