Алматы облысында қамыс алқабы өртеніп жатыр

Алматы облысындағы қамыс алқабы отқа оранып, өрт сөндіру жұмыстары басталды, деп хабарлайды El.kz ақпараттық агенттігі 

Іле-Балқаш резерватының (кірме жолдар жоқ аралшықтар және қолжетімділігі төмен батпақты жерде) аумағында 150 гектар аумақ оттың құшағында қалды. Өрттің жалпы аумағы шамамен 6200 гектарға жеткен. Қазіргі уақытта оның ішінде сөндірілген көлемі 6050 гектарға жетті. ТЖМ ресми түрде әлеуметтік желілерде таралған космомониторингтің суреттері бүгінгі күні өзектілігін жоғалтқанын да мәлімдеді. 

ТЖД және "Іле-Балқаш" МТР" РММ күштерімен қолмен жұмыс жасайтын шанц құралдары мен мотопомпаларды пайдалана отырып, жаяу тәртіппен солтүстік-батыс жағында 6-кварталда алдын ала болжам бойынша 150 га алаңда сөндіру жұмыстары жүргізіп жатыр. Сондай-ақ, Бақанас орман шаруашылығы учаскелерінде өрттің таралуын болдырмау үшін Орман шаруашылығы күштерімен жырту жұмыстары жалғасуда. Жақын маңдағы елді мекендерге қауіп жоғы да айтылып отыр.