Алматы облысында өрт сөндірушілер кәсіпкерлердің мүлкін аман алып қалды

Алматы облысында кәсіпкердің құрылыс дүкенінен шыққан жалынды өрт сөндірушілер дер кезінде ауыздықтап үлгерді, деп хабарлайды El.kz ақпарат агенттігі. 

Қаскелең қаласының құрылыс материалдары базарының аумағында өрт шыққан. Оқиға орнында өрт сөндірушілер құрылыс материалдары бар контейнерлік типтегі 3 металл бутиктің жануын айқындады. Көршілес құрылымдарға таралу қаупін байқаған өрт сөндіру басшысы қосымша күштер мен құралдарды жұмылдырды.

Дұрыс таңдалған өрт сөндіру тактикасы мен үздіксіз сумен қамтамасыз етудің арқасында қауіп көп ұзамай жойылды. Өрт 132 шаршы метр аумақта жойылды. Зардап шеккендер жоқ, - деп жазылған ТЖМ хабарламасында.