Алматы облысында Қазақстан мен Корея арасындағы стратегиялық әріптестіктің 10 жылдығын атап өтті

Алматы облысына қарасты Қаратал ауданындағы «Қазақ халқына мың алғыс» монументінде Қазақстан және Корея Республикаларының арасында орнаған дипломатиялық, стратегиялық әріптестіктің 10 жылдығына арналған шара өтті.

Оған Алматы облысы әкімінің орынбасары Серікжан Бескемпіров, облыстық Қазақстан халқы ассамблеясының хатшылығы, корей этномәдени орталығының төрағасы Владимер Ли, Корея Республикасының Бас Консулы Ким Хынг Су, «Чосон Ильбо» корей газетінің өкілі Хонг Джунг Хо, Корея Республиксынан келген медицина қызметкерлері қатысты.

Акция барысында «Қазақ халқына мың алғыс» монументіне гүл шоқтары қойылыды. Корея Республикасының Бас Консулы Қазақстан мен Оңтүстік Корея арасында орнатылған қарым-қатынастың келешекте одан әрі нығая беретініне сенім білдірді.

Акция аясында Корея республикасының делегаттары Кемель Тоқаев атындағы мектепте болып, онда орналасқан Музейді тамашалап, оқу орнының әкімшілігіне бағалы сыйлықтар табыс етті.