Алматы мешіттерінде намаз кезінде ұрлық жасаған жігіт сотталды

Алматы мешіттерінде ұрлық жасаған жас жігіт сотталды. Қалалық прокуратура мәліметінше, ол өткен жылдың қысында  келушілердің намаз оқып жатқанын пайдаланып, қараусыз қалдырған жеке мүлкін ұрлап кеткен, деп хабарлайды El.kz ақпарат агенттігі. 

Жас жігіт оқиға кезінде бейнебақылау камерасына түсіп қалған.

Сот отырысы барысында сотталушы өз кінәсін мойындады, бірақ миллиондаған шығынды өтемеген. Оның кінәсі дәлелденіп, судья қауіпсіздігі орташа мекемеде 4 жылға бас бостандығынан айыру жазасын тағайындады.