Басты
Жаңалықтар
Оқиға
Алматы-Екатеринбург тас жолында екі адам қаза тапты

Алматы-Екатеринбург тас жолында екі адам қаза тапты

Мадина Асылбекова
Фото: t.me/POLICE_of_KZ

Жол апаты Алматы-Екатеринбург тас жолында болған, деп хабарлайды El.kz ақпараттық агенттігі.

Полиция мәліметінше, оқиға 12 маусым сағат 10:50 шамасында болған. Теміртау қаласына қарай бағыт алған 57 жастағы Audi автокөлігінің жүргізушісі маневр жасау кезінде жол қауіпсіздігіне назар аудармай, алдында келе жатқан ВАЗ-2114 автокөлігімен соқтығысқан. Салдарынан ВАЗ көлігі жол жиегіндегі қоршауға соғылған.

Оқиғадан ВАЗ-2114 автокөлігінің 24 жастағы жүргізушісі мен Audi-де болған 56 жастағы (жүргізушінің жұбайы) жолаушысы оқиға орнында қайтыс болды. 57 жастағы Audi жүргізушісі және оның 9 жастағы немересі, сондай-ақ ВАЗ-2114 автокөлігінің 23 жастағы жолаушысы ауруханаға жеткізілді, - делінген ҚР ІІМ таратқан мәліметте.

Аталған факт полицияда тіркелді. Тиісті сараптамалар тағайындалды, қорытындысы бойынша нақты процессуалдық шешім қабылданатын болады.

жол апаты Адам өлімі Полиция Оқиға
Қысқа да нұсқа. Жазылыңыз telegram - ға

Оқи отырыңыз

{