«Алғаш рет дауыс беріп, сыйлық алдым»: жас сайлаушының әсері

Елімізде өтіп жатқан референдумда алғаш рет дауыс беріп жатқан жастар да аз емес. Солардың бірі – 18 жастағы Жеңіс Әлібек. Ол Астана қаласындағы №149 сайлау учаскесіне келіп, өмірінде алғаш рет өз таңдауын жасады.

Жас сайлаушы үшін бұл күн ерекше әсер қалдырды. Оның сөзінше, алғаш рет сайлауға қатысып, дауыс беру – әр азамат үшін маңызды қадам.

18 жастамын, сайлауға бірінші рет келіп тұрмын. Маған өте ұнады. Алғаш рет келіп, сыйлық та алдым. Менің ойымша, сайлауға келген дұрыс, – дейді Жеңіс Әлібек.

Ол әр азамат елдің дамуына үлес қосуы керек деп санайды. Жас сайлаушының пікірінше, қоғамдағы өзгеріс те адамдардың белсенділігі мен жауапкершілігінен басталады.

Себебі елге үлес қосуды әркім өзінен бастауы керек. Егер әр адам іс-әрекетті өзінен бастаса, мемлекетімізде де өзгерістер болады деп ойлаймын, – деді ол.

Айта кетейік, референдумға дауыс беру жергілікті уақыт бойынша кешкі сағат 20:00-ге дейін жалғасады.