Алғаш рет «Алтын сақа» фестивалі өтеді

Ұлыстың ұлы күні мен Халықаралық театр күнінде Ғ.Мүсірепов атындағы Қазақ мемлекеттік академиялық балалар мен жасөспірімдер театры тұңғыш рет «Алтын сақа» атты балалар спектакльдері фестивалін ұйымдастырғалы отыр.

Театрдың 70 жылдық мерейтойы қарсаңында өтетін шарада Ғ.Мүсірепов атындағы Қазақ мемлекеттік академиялық балалар мен жасөспірімдер театрының директоры Сәбит Әбдіхалықов, театрдың көркемдік жетекшісі Мұрат Ахманов, ҚР халық әртісі Роза Әшірбековалар баяндама жасайды.

Фестивальге қатысатын әртістер төмендегі аталымдар бойынша марапатталады:

Б.Қалтаев атындағы «Ең үздік ер адам бейнесі үшін» аталымы;

А.Мәмбетова атындағы «Ең үздік әйел бейнесі үшін» аталымы;

Қ.Жәкібаев атындағы «Қосалқы рөлдегі ең үздік ер адам бейнесі үшін» аталымы;

Ә.Өмірзақова атындағы «Қосалқы рөлдегі ең үздік әйел бейнесі үшін» аталымы;

«Ең үздік эпизодтық рөл»;

«Эпизодтық рөлдегі актерлік шеберлігі үшін»;

«Көрермендер көзайымы»;

«Ең үздік дебют».

 Жүлделерді қазылар алқасы мен арнайы шақыртылған қонақтар табыстайды.

Ғ. Мүсірепов атындағы Қазақ мемлекеттік академиялық балалар мен жасөспірімдер театрының репертуарындағы қойылымдардың суреттерін мына альбомнан қарауға болады. 

Әзірлеген  – Жансая ТӨЛЕГЕН